УСЛОВИ

1. Организатор и настан

РазИгра 2.0 е game jam организиран од KAMAi MEDIA. Настанот се одржува од 11 до 13 септември 2026 во KAMAi MEDIA, Македонска Фаланга ББ, Зграда бр. 13, Битола. Официјалните известувања, пријавувања и тимски активности се водат преку Discord серверот.

2. Пријавување

• За натпреварувач користи /учесник, а за волонтер /волонтер.
• Се внесуваат име и презиме, возраст, пол (машко/женско) и град.
• Пријавата важи само за тековното издание. За следно издание се поднесува нова пријава.
• Ако веќе си учесник или волонтер, можеш повторно да ја употребиш истата команда за да ги дополниш или исправиш податоците.
• Натпреварувачкиот дел има најмногу 100 учесници. По пополнување на местата, новите пријави одат на листа на чекање.

Лица под 14 години: родител или старател треба прво да се обрати кај организаторите за согласност и регистрација.

3. Улоги и тимови

Можеш да избереш улога УЧЕСНИК, ВОЛОНТЕР или ПУБЛИКА. За натпреварување, учесникот создава тим или се приклучува на постоечки тим според Правилата. Преминување од учесник во друга улога може да значи напуштање на тимот и промена на тоа кои поени се бројат.

4. Натпревар и резултати

• Зијаните, дубарите, даржантите и модификаторите работат како што е објаснето во Правилата за поени.
• Ботот автоматски применува ограничувања за давање поени и менување тимови.
• Организаторите ги проверуваат модификаторите, презентациите и валидноста на резултатите.
• Во спорна ситуација, конечната одлука ја носат организаторите врз основа на правилата и фер игра.

5. Однесување и фер игра

Се очекува почитување на другите, просторот, опремата и правилата на Discord серверот. Забранети се вознемирување, дискриминација, закани, намерно попречување на други тимови, злоупотреба на ботот и манипулирање со поени, тимови или профили. Организаторите може да поништат поени, да отстранат содржина или да исклучат лице од настанот кога тоа е разумно потребно за безбедност и фер игра.

6. Игра, алатки и авторски права

Тимот е одговорен да има право да ги користи кодот, графиката, звукот, музиката, фонтовите, AI-алатките и другите материјали во играта. Авторските права на создаденото остануваат кај авторите. Со финалната презентација му дозволувате на организаторот да ја прикаже играта, името на тимот и резултатот во рамки на настанот и неговата архива.

7. Распоред и промени

Организаторите може да направат разумни промени во распоредот, просторот, модификаторите или техничкиот тек ако тоа е потребно. Важните промени ќе бидат објавени на Discord. Не се гарантира непрекината достапност на Discord, веб-страницата или ботот, но организацијата ќе се обиде проблемите да ги реши без неправедно влијание врз резултатите.

8. Одговорност

Учесниците се грижат за својата лична опрема и резервни копии. Пријави дефект, повреда или небезбедна ситуација веднаш кај организатор. Ништо во овие услови не ограничува право или одговорност што не може да се ограничи според применлив закон.

9. Приватност и надворешни услуги

Обработката на лични податоци е објаснета во Политиката за приватност. Статистиката од настанот ја чуваме без временско ограничување. Discord и веб-хостингот имаат свои услови и политики; користењето на нивните услуги може дополнително да биде предмет на тие правила. Податоците на РазИгра се чуваат во локална PostgreSQL база.